Nes llendes qu'abelluga'l caín

El Fielato y El Nora, 26 d'agostu. Una de les custiones más llamatives de la pasada Conferencia de Presidentes, la de mayor puesta n’escena que yo me recuerdo n’años, ye que Pedro Sánchez dixera na so apertura que yera mester consiguir que nun hubiere “comunidaes que se vean de Segunda”. Sánchez tinía la ocasión d’aprofitar los fondos europeos aprebaos de recién pa responder con fechos y non con pallabrería a les necesidaes d’eses comunidaes que, torpones elles, igual se ven como de Segunda . El casu ye qu’el presidente llegaba al aconceyamientu con una alcordada previa sobro un tratu privilexiáu a Euskadi, lo mesmo nel déficit global que na delda de les diputaciones forales. De manu, 1.700 miyones pa dir faciendo boca. Esto ye: entamaba la reunión con al menos una comunidá de Primera y, a partir d’ehí, yá veríamos lo que pasaba. Nun ye esto inventu de Sánchez, non. Yá González, Aznar, Zapatero y Rajoy, dende’l gobiernu central, dexaron claro que la so rellación col go...

Dempués de les obres na vieya corte los caballos, que me llevara tiempu y con bona aída de vecinos, voi poniendo orde na biblioteca. Acabada la obra y coles primeres estanteríes, entamara hai unos quince díes y, de poco en poco, voi alministrando les coses. Terminé colo que voi llamar Serie 1 , asigún van saliendo llibros de caxes y más caxes. Agora voi dir más rápido, pero va llevame ata’l nadal, como bien ceo.   Yá sé qu’estes coses namás que van interesar a los tres o cuatru biblióflilos, secta pelligrosa a la que pertenezo, que me siguin. Pero convido a los que de verdá disfruten de los llibros, non namái que como instrumentos de conocimientu, sinón como materia viva, como fetiches si pa dalguién ye más prestoso, a que faigan lo mesmo. Prestaríame saber de les biblioteques d’otros, pequeñes o grandes, monográfiques o enciclopédiques. Hai tiempu que plantegué a l’alministración, concretamente al ayuntamientu de Villaviciosa, que fixera un programa pa poner les bibliote...