Entradas

Coses del señor cura

Imagen
  (El Fielato)      L'espectáculu clerical del pasáu día 8 en Cuadonga namás tuviera una diferencia col que mos dan cada añu: el tonu medráu en violencia y mala saña del arzobispu d'Uviéu, qu'amosa una total falta d'empatía pa col infiel  y tamién una ausencia de la mínima esprexón de caridá cristiana. Teo entendío que los fíos de Francisco d'Asís tienen como llema paz y bien . ¡Vaya! Hai yá tiempu que les homililíes d'esti home paecen más discursos esaltaos de la estrema drecha, non yá nel fondu, sinón tamién na forma. La so frase más famosa fuera esa de "yá quixera yo que neños albuertaos o ancianos ya enfermos eutanasiaos tuvieren la llexislación protectora que se brinda a los toros". La comparanza ye de bon trazu gordu pa un xerarca de la ilesia, por nun falar de los usos verbales. Equí naide ye eutanasiáu  porque nun esiste eutanasiar , cosa que debería saber un doctu en clasicismu y teoloxía. Pero ye más: si los neños tan albuertaos  y los vieyos

"La 'saudade' y la señardá hermanen a Portugal con Asturies"

Imagen
  ALEJANDRO FONSECA: De nuevo nesta casa portuguesa mos alcontramos con David Rivas, economista, que fuera profesor d'estructura económica, aunque nun sé si se dexa de ser profesor. ¿Qué tal, David Rivas?, bona tarde. DAVID M. RIVAS: Bona tarde, Fonseca. Non, nunca dexa ún de ser profesor. Ser profesor ye como ser, ¿qué-y diría?, militar o cura. A.F.: Je,je,je... Vamos aceptar les comparances pero yo creo qu'a estes dos últimes profesiones llégase por razones diferentes a la otra. Nun se dexa de ser profesor por dalgo más vocacional. D.M.R.: Seguramente. Pué que seya más vocacional ser profesor que cura, je je, je... A.F.: Tamién ye posible que teamos falando d'esos profesores que mos gusten, que meyor recordamos, los que trabayen ensín que paeza que ye un trabayu, anque non siempres los docentes puedan llogralo.  D,M,R.: Asina ye y asina me recuerdo yo de ciertos profesores, que lleguen a un gráu más: son mayestros . Yo, dientro de les mios posibilidaes, siempres traté de

Asturies: obsesiones, identidaes y emociones

Imagen
     Resulta mui interesante analizar los discursos d'una parte de los políticos asturianos esti pasáu 8 de setiembre pa damos cuenta de que tan metíos nun bucle ideolóxicu, nel peor sen hegelianu del conceptu, aquél al que Marx se refirirera cuando falaba de la ideoloxía como falsa visión de la realidá . A un tiempu, observamos tamién la participación de los principales medios y de dalgunos intellectuales  nesa visión míope d'Asturies, bien visible cuando lleemos, como yo tuvi'l cuayu de facer, les columnes espublizaes na prensa los pasaos díes 8 y 9. Y, metíos como tan nesi bucle que tal paez una banda de Moebius, nun dexen d'amosar obsesiones enfermices y caer una ya otra vuelta en lapsus linguae  y nes trampes qu'ellos mesmos fabricaron.      Ye llamativo, en primer llugar, qu'Adrián Barbón, el dirixente socialista con responsabilidá de gobiernu col discursu más sólidu y coherente, tea tan escosa presencia y tan poco pesu. Y cuando falo de solideza y coheren

Presunción d'inocencia nel actu, enantes y dempués

Imagen
 (El Fielato)      Lo de Xuan Carlos I y les sos cuites cola xusticia española, dexando a un lláu los asuntos como talos, les posibles tipificaciones, aseméyase cada día más a un vodevil pal que los ciudadanos pagamos relixosamente al traviés de los impuestos. L'últimu movimientu fora que los lletraos de la so maxestá acusen a la fiscalía de conculcar la so presunción d'inocencia al sabese pola prensa que ve indicios de cuatru dellitos como comisionista internacional. Asina, a bote pronto , eso nun paez cosa ellegante. El ciudadanu-espeutador anda confusu y piensa nel cine negru porque la cosa suena mui d'eso, de cosa... nostra . ¿Dalguién se presentará nel lobby  d'un hotel con una tarxeta de visita onde se llee comisionista internacional ? Y, al sentase pa tomar un burbon, ¿apartará la chaqueta pa acomodar el revolver? Non, naide nun maxina al rei d'España d'estes traces nuna nueche americana.      Pué quexase'l rei (lo d' eméritu ye una fatada qu'

"Asturies y Portugal tienen muncho en común"

Imagen
  ARANTXA NIETO: Entramos otru martes nesta casa portuguesa  que tanto mos gusta, Monchi Álvarez. MONCHI ÁLVAREZ: Onde tanto disfrutamos... A.N.: Ya onde tantes coses daprendemos de Portugal. Facémoslo güei de la manu de David Rivas, un convidáu habitual que mos fala del Portugal de ayeri y del Portugal d'agora, falándomos munches vegaes de coses sosprendentes, mui poco conocíes d'un país que ta ehí, a la vuelta la esquina. ¿Qué tal, David Rivas?, bona tarde. DAVID M. RIVAS: Bona tarde, amigos. M.A.: Dempués d'unos cuantos programes falando de Portugal, al profesor Rivas tenemos qu'entrugái si los asturianos tenemos dalgo en común colos portugueses. D.M.R.: Tenemos muncho en común. Asturies ye un país mui apaecíu a Portugal en dalgunes coses, especialmente al Portugal del norte, esi terciu que va del Miño al Duero. Hai tener en cuenta que Portugal ye un país que ta unificáu dende hai muncho, siendo'l país más vieyu d'Europa. Les sos fronteres actuales son les me

La romería llaica: de san Pedro a san Timoteo

Imagen
  El branu fiesteru va morriendo pasín a pasu y, anque queden entá romeríes y cellebraciones, seguramente esti día 22 ye la última de gran afluencia, por coincidir coles vacaciones d'una mayoría de naturales y foriatos y ser la propia de villa tan importante nel noroccidente costeru como L.luarca. Cellebramos a san Timoteo, cuya vida recuerden los cures na misa na so capiella valdesana. Asigún el llibru Fechos de los apóstoles , l'unicu que podemos considerar históricu , cuando menos parcialmente, del llamáu Nuéu testamentu , Timoteo yera fíu d'hebrea y griegu, polo que cuntaba con una formación tanto xudía como pagana, anque la madre taba convertía al cristianismu. Siempres se lu vincula a Saulo de Tarso, Pablo, siendo ún de los grandes collaboradores del apóstole, quien lu llega considerar como un alter ego . Asina, Pablo escribe nuna carta a los filipenseses: "espero poder unviaros ceo a Timoteo, pues a naide teo colos mesmos sentimientos pa con vós nin que s'es

¿Emprendedores nun entornu hostil?

Imagen
(El Fielato) Ye un llugar común de políticos, periodistes y opinantes en xeneral la idega de que la solución a tóo ta nos emprendedores. Emprender  ye un verbu d'usu mui matizáu ata fae unos años: emprender una carrera universitaria, emprender un viax, emprender la marcha haza'l más allá... Pero entós tratábase d'estudiantes, de viaxeros, de moribundios... Nun yeran emprendedores . Actualmente, solemos entender qu'un emprendedor ye una persona que tien la capacidá de descubrir ya identificar dalgún tipu d'oportunidá de negociu, pa lo qu'organiza una serie de recursos col fin de dar niciu a un proyeutu empresarial. Normalmente, l'emprendedor ocupa posiciones directives ya organizatives nel proyeutu, colo qu'asume una serie de riesgos, siendo mui notables los de caráuter financieru. Pa salir con bien del retu pon en xuegu la so capacidá d'innovación y la so orixinalidá.  Son varies las característiques que se consideren como definitories d'un empre