Nes llendes qu'abelluga'l caín

  Los pocos poemes que de xemes en cuando  s’escribieran  en dómines d’abstinencia nun son de gran interés. Wilheim Reich 1. Tocamientos seles. Pa entamar Lo que son les coses. Cuando taba poniéndome a la xera pa esti alcuentru d’Arribada 2006 en Xixón, a onde me convidaran pa falar de lliteratura erótica, sosprendeme un artículu de Les Noticies onde me faen una proposición eróticopolitica mui interesante daveres. Un columnista llamáu Piquero suxer que n’Asturies dalgunos de los que vamos presentamos a les elleiciones del 2007 lo faigamos siguiendo l’exemplu’l candidatu de Citadans de Catalunya y mos pongamos en porrica pa facer los cartelos propagandísticos. Paez ser que'l catalán de marres atápase los fundamentales coles manes ya’l columnista propuén que n’Asturies, más gallos como tol mundiu sabe, lo faigamos ensin elles, ensin les manes, como los bonos acróbates. Dempués de visualizar a un Sánchez Vicente desnudu y de madreñes ya un García Valledor con una montera p...

  El 6 de marzu de 1938 finaba na cárcele de Xixón, na villa na que naciera, Emilio Robles, más conocíu como Pachín de Melás, con 61 años. De familia probe, púnxose a trabayar como obreru mecánicu de mui rapaz y fíxérase torneru nes clases nocturnes de la Escuela Industries, de la que llegó ser mayestru d'axuste. Tiempu dempués tuvo un quioscu prensa na plaza Seis d'Agostu, el popular quioscu La Farola. Ellí caltuvo ata la so muerte un gran llabor cultural, entamando cola Biblioteca Popular d'Escritores Asturianos y la colleición La Novela Asturiana. Fue columnista habitual con artículos revindicativos y combativos en La Defensa del Obrero y La Organización , asina como nel diariu El Comercio , el más vieyu xornal d'Asturies y que sigui saliendo. Tamién fora ún de los impulsores del estatutu d'autonomía p'Asturies durante la república, que nun llegó a términu pol españíu de la guerra y la victoria de Franco. Durante la guerra civil, cuando l'incendiu provoc...

  (El Fielato y El Nora, 3 de marzu) ¿Dalguién sabía ata hai poco qué cosa revesosa ye la inmatriculación ? Pues resulta ser la primer inscripción nel rexistru y refierse al dominiu sobro un inmueble. Vaya, que lo que miles y miles de persones faen cada añu pero que lo llamen, normalmente, rexistralo . El términu popularizárase cuando se supo que la Ilesia inmatriculara Santa Cristina, en L.lena, por unos trenta euros. Nun ye l'únicu casu, anque igual ye'l más emblemáticu, porque son 549 los bienes que la Ilesia punxo al so nome ente 1998 y 2015. La llei hipotecaria del gobiernu d'Aznar de 1998 permitiera que los obispos exercieran de notarios, colo que con namás que la so firma, certificando qu'el obxetu yera propiedá eclesiástica, abastaba. Eso quier dicir que la cosa ye llegal, como diz la vicepresidenta Calvo, colo que se puede pleitear. Pero eso lleva perres asgaya y ata venti años ente pueblos pequeños y la perpoderosa Ilesia Católica. Porque non namás falamos del...

  ( La Sidra , númberu 202) Llucía Fernández Marqués: La revista La Sidra prepara un especial sobro la situación del sector nesta pandemia, entrevistando a espertos de varies especializaciones. Decenes de sidreríes tan pesllando y otres deciden pasar a echaores automáticos pa les terraces, la barra nun esiste y tamos avezándonos a dir pa casa a les 8. Falamos con David M. Rivas, sidreru y autor d'ún conocíu llibru sobro la historia y la cultura la sidre. Ye profesor, yá xubiláu, d'estructura económica. ¿Cree qu'esto va afeutar a la cultura sidrera o la sociedá asturiana tornará al so ser cuando esto apangüe? ¿Conoz dalgún otru momentu na hestoria d'Asturies en que ocurriere daqué asemeyao? David M. Rivas: Nun creyo qu'esta situación vaiga poner en pelligru'l chigre y, en xeneral, tol entramáu cultural de la sidre. La bébora ya'l sector pasó momentos muncho peores, ente los 60 y 70, cuando quedó relegao al mundiu rural y a dalgunos barrios obreros. Nos 80 vim...

(El Fielato, 17 de febreru)  La organización Pueblu tien una bona idega pa la Casa Cultura de Ribeseya: que lleve'l nome d'Enriqueta González Rubín. Ye una figura rellumante ente les muyeres d'aquella, amás nel mundiu rural: lliberal, viaxera, erudita, d'una bona posición de la qu'afuxó pa vivir asigún los sos propios criterios. Esta muyer ñaciera na casa familiar paterna de La Collada, na collación de Santianes, el 17 d'abril de 1832. La so posición social fixera posible que fuera una muyer culta pero, contra lo que pudiera pensase, nun tuvo una situación económica acomodada, amás de pasar per munches vicisitíues alverses. Güérfana de madre bien ceo y con dos hermanos mayores, tuvo que brengar con otros seyes d'un segundu matrimoniu'l so padre. En 1854, cuando tinía 22 años, entá soltera, ñaz el so primer fíu, que muerre a los dos menses. Ye de suponer lo qu'eso podía significar naquella sociedá de mediaos el XIX. Un tiempu dempués, en 1859, queda e...

  Vigilate itaque, quia nescitis, diem neque horam. Yá va una selmana de la muerte de Luis Arias Argüelles-Meres y sigo buscando la so columna nel periódicu. Marchó dende Salas dexando muncho por dicir, por contar, por escribir. Son pocos los amigos que faes cuando yá yes mayor, tirando pa vieyu. Faes bones rellaciones y aprecies a persones a lo llargo de tola vida pero lo que ye un amigu non tanto. Pero yo alcontré esi amigu de mayor dos o tres vegaes y, dende lluéu, ún d'ellos fue Luis Arias. Yera un home cercanu y abiertu, comprensivu con cuasi tóo pero firme nes sos idegues. Ye difícile poner un calificativu referente pero pa mín yera un republicanu , non de la primera nin de la segunda, nin tan siquier d'una tercera, nin de la española o la francesa, nin de l'asturiana o la irlandesa... Yera un militante de la república como orde éticu, un ciudadanu nel más altu sentíu de París, de Cádiz o de Pensilvania. Dalguién escribiera que, n'aparente contradicción, yera...

 (El Fielato, 27 de xineru) El debate sobro les restricciones aplicaes como midíes contra la covid ye tan desquiciáu como, notres ocasiones, les restricciones mesmes. La hostelería considérase inxustamente tratada porque, como aseguren los espertos, la mayoría los contaxos prodúcense en reuniones familiares ya en fiestes improvisaes por grupos d'amigos, vecinos o veceros d'un llocal. Lo mesmo cabe dicir de los tresportes; nos modos públicos, especialmente nes grandes concentraciones de población, próducense más contaxos que nos restoranes. Si los espertos lo dicen, y hai gran coincidencia ente ellos, yo doilo por cierto. El fechu de qu'esos espertos nun tean unanimidá de criteriu o que tantes vegaes anduvieran enquivocaos ye dalgo desplicable. Claro que yelo si se conocen los rudimentos de la metodoloxía científica. Cuando se produz un fenómenu, una anomalía, que fae quebrar el modelu desplicativu válidu ata'l momentu, cuando desapaez lo que en ciencia denomínase ...